一日內的起伏

今日，9點幾醒左，就立即刻出門口返教會。返到去時遲左D，但都仲有2個未到。

咁唔理啦開始set野，唔知做乜事，今日心情特別靚，所以好快就set好野，仲有少少時間可以試多一次條EQ，條EQ都幾好用，D聲仲唔錯潻，咁咪講道都用佢囉。今日的敬拜都好正，好Ｃ服，可以享受左２首歌先返位做野，都要多謝邦邦睇住我先可以咁安心出去享受敬拜，都要多謝敬拜隊啦。

但係唔知乜事，部Mac又錄錄下停左，自從玩過10.5同iLive08，部機唔穩定就多左，再係咁就KO佢。

咁今日既講道，係叫人唔好唔返教會，你的出席係對講員的支持。好不幸，今日開的音響課得1.5個學生，你會問點來1.5個呀？你玩呀？果1個係同工佳燕，果半個係邦邦。幾多人呀，本來想唔教的，但係算啦都講下啦。時間長左Ｄ ３個鐘頭。都叫講得完。其實真係好唔開心的，得幾個人上堂。不過算啦，邦邦明份野就OK了。

你當我什麼？

你當我係什麼呀？
弟兄？組員？朋友？兄弟？還是鍾無豔？

弟兄～冇錯，我真係弟兄來的

組員～都冇錯的，小組的一員。你來關心我，係因為我今日係你的組員，關心我係因為出於責任？明日你唔再係我組長時，你會唔理我嗎？．．．．．．昔日，你係我組長，今日你有關心我嗎？有了解我嗎？

朋友～我有的嗎？是你嗎？　你是Zoe，Sam，敏儀嗎？還有嗎？還有琦琦

兄弟～我真的有嗎？是你嗎？　你是家濠嗎？還有嗎？還有偉邦

鍾無豔～都幾似．．．有事就阿雞，無事夏迎春。冇事冇幹係唔會找我的！在平靜日子係唔會有人記得我的，咁代表乜呀？代表你返左教會好多年，返得好定，咁就唔洗理佢，唔洗關心佢，對嗎？多謝喎，等我又再死左你先來找我吧！！！

用BootCamp時 個鐘Ｄ時間會錯？

原因:
因為 OS X 和 Windows 對系統時間的解讀方法不同.
OS X 依照 UTC 世界標準時間，顯示出來是格林威治(GMT)時間
而 Windows 則是以本地時間顯示，而台北時間是 GMT+8
所以兩者顯示的時間會有 8 小時的誤差..

解法有兩個:
1. 把 Windows 也改為顯示 UTC 時間.
執行 regedit.exe 修改 registry
HKEY_LOCAL_MACHINE\SYSTEM\ControlSet\Control\TimeZoneInformation
新增一個 REG_DWORD，名稱是 RealTimeIsUniversal，值設為 1

2. 仍然使用顯示本地時間，但一開機就執行 NTP 時間校正.
執行 regedit.exe 修改 registry
HKEY_LOCAL_MACHINE\SOFTWARE\Microsoft\Windows\CurrentVersion\Run
新增一個字串，名稱自訂，字串如下...
"C:\WINDOWS\system32\w32tm.exe" /resync /nowait
這樣會在登入時馬上進行網路時間校正，校正到正確時間.
(需要連上網路到一個鄰近的 NTP 伺服器)
也可以把上面那串黃色的指令存成純文字檔
文字檔檔名改成 xxx.bat，丟到"啟動"資料夾去.

破產！

今晚，同阿Leg兩個人玩大富翁，一開始就坐左兩次監，攪到我又冇錢攞又冇地買...最後中左最貴果個，要破產了，仲要欠人三千幾萬！

拿著電話的七分鐘

剛剛出左部新電話，新電話自然有新遊戲，其中有數獨，一隻我幾有心機玩的用腦GAME，EM同NM對我來講已經太易了，所以我開始玩HM，第一次玩HM要30分鐘，玩多幾次，7分鐘就完成。

今日如常的有少少時間就拿出來玩，突然忽發奇想，個電話又有聖經，如果用呢7分鐘來睇聖經都幾方便喎，真正是7分鐘靈修，唔知幾時先真正去做呢？

碌卡大富翁

今日買左盒碌卡大富翁，由知道到買前後都唔夠一個星期，阿Leg好鍾意好想買，所以諗住買來送比阿Leg做生禮物，但係今日同SamSam講起時，佢話平喎，咁我咪今日買囉，又有四個人係到試，買埋電之後就開始玩了，但係已經12點了，玩左一陣就已經點半 要走了，真係想玩耐D。成績唔錯，最貴果三塊地都在我手，雖然有少少時間冇乜錢，但再玩落去應該我會嬴。

重陽節，要返工

原本今日放假，但轉左星期六先放，公司冇乜野做，咪準時走。
去食飯時，想食Ｄ好野，但好多地方都要排隊，突然諗起去大家樂打邊爐...去到會幾多人呀！！

完成了，喇叭架

今日，完左晚堂時，有人話今晚做埋個架，咁你話做 咁咪做囉。做到１２點幾，完成左第一個架。

好快做埋第２個，不過呢個就出左小小事，條燈喉頂住左。到呢個時候，阿Pong已經瞓左，當第三個準備好時，阿均都瞓埋，冇耐阿Pong就醒左，呢個時間都差不多天光，休息左陣同阿Pong準備埋第四個。
上第三個時又出事，條羅Ｃ唔夠長呀，又整整整，完成第四個時，佳燕已經返到來了，果時係8:45，到11:00頂唔順要瞓了。

睇錯時間呀！

今日比賽，我睇過好似係16:00開始，咁我見早堂完左，又冇乜心機，咁咪又搵Ｄ野整囉，整下個Di-Box，點知14:50龍威打比我15:00比賽喎，Oh Sheep !又整野整到成抬都係，仲要冇帶衫要回家拎 Sheep !
今場波又和。

今日成功用Access整左個資料庫，開心到爆

鬼斧神工！！靚嗎？

靚就唔講得上靚，但絕對＜勁＞！

加Ram後 排書版

公司部MacPro加Ram都加左一段日子，今日於見到成果了

今日排版，要排一份對開Size的書版，之前排的話一定會唔夠Ram，但今次有2G Ram了，見到個"活動監視器"顯示Ram用量已經過左1G但又未到2G，正呀 順好多啦！！

海洋公園 哈囉喂

今晚去左海洋公園十月全城哈囉喂2007，其中仲去左玩新的＜回轉熊貓＞

真的開工了，喇叭架

今晚返到教會，開頭都幾唔開心下，個心覺得你地一個二個冇事就唔會找我，有事時先叫我做，算乜野意思呀？有事鍾無豔、無事夏迎春呀？？就算完左晚堂崇拜 我都仲係幾唔開心，嬲嬲地咪走去整電子琴囉，我都係要整下野先有生存價值！

好了電子琴整好了，我又開始整我心目中 自己設計的那個喇叭架，整左個幾鐘頭，完成了。


不過，過幾日我去海洋公園 見人地用鋼線吊起個ＰＡ喇叭，都係覺得好以用鋼線好Ｄ咁。


由於技術上出現問題，通頂左一晚都冇乜成果，原本打算星期日下午都收工唔做，但係大老闆吹起貨，冇計 讚多幾個窿先走囉。

南丫島

呢兩日入左南丫島，中秋賞月團...

家豪

今日家豪打比我，話出來飲野，咁當然冇問題啦。
在心中，佢係我的好兄弟，相信呢份情係唔會經時間而變淡。（又有可能早已淡了，只因 共你相識在童年 果份天真保留都今日）

識左原來都１２年了，哈哈１２年，
還記得Form１時，因為地理科的廢紙回收比賽嗎？果次一齊去跑後樓梯，周圍找廢紙。
還記得果句名句呀？＜幾時去游水呀？＞果次水運會過後，我地就少左一齊游水，之後我地每次係班房門口相見時，都會問一句＜幾時去游水呀？＞，講起都令人回未。

水真係我地的回憶，由游水到做老救...

又來多件足球比賽！

今日比賽，對青鋒。
呢個星期休息又唔夠，又對住班細路，人腳又唔多齊。心想，多數都輸，點知，開波時都齊７個人，唔洗即輸３：０...好了真係開波了，開波冇耐我地阿成就入波了，軍心大振，冇耐天下雨了，打法又唔同左，咁之後我地又入多球，２：０，冇死了兩球在手，點知我地睇左漏一個人，咁就３個打２個，失波了，之後又有一球阿豪心急，空門失波了...不過最Ｏ嘴都係阿浩射失９碼！！

今日呢場波踢得好開心，唔知係咪係球場表現好左，所以好有Feel，正呀！

超累，半年來累積休息不足

自從上年１２月開始重新返教會，又來過果Ｄ冇放假冇休息的生活，星期一至六返工都係返全日，到左星期日又全日返教會，早上有聚會，下午又有足球比賽，晚上又同弟兄姊妹去玩、食飯...

呢幾個星期都覺得好累，冇時間比我休息。好累呀？？點算呀？？

<做乜諗野呀？>５號仔、９號仔定６號仔

今日開組，終於完整的做完一份９型性格，180條問題對我來講真係多左Ｄ，真係想囉我命，我做左好耐，其他人都等左我好耐，佢地勁曹住我，我好難集中做呢180條......

終於有結果了...

比賽取消，改為練波

今日練波好有狀態，雖然球感好左，但係我發現，我開始跑唔到，跑步時的極速大不如前，下個星期真係要比賽了，真係唔點算！！！

繽紛嘉年華

SumSum與SamSam

今日同分別同SumSum與SamSam食早餐同晚餐，

一大清早，就同Leg、敬心上太平山睇A380，

但係影完之後，發覺Ｄ色唔及人地果Ｄ，都係要開始去打算買新鏡頭了......

夜晚放左工之後，又唔知去邊到食野好，Leg想起SamSam今日唔係幾開心，所以話出去佢公司果度食晚飯，其實又冇乜所謂，點都係要找個地方食野，咁咪出去旺角，我就順手買左２個DVD+-RW先上去食。間野貴就貴Ｄ，不過唔係成日食，又有幾好食喎，冇所謂啦！

食完野等埋SamSam收工，就同佢一齊去食糖水。之後送埋SamSam回家我先走，１２點幾，其實條街都真係幾靜，如果一個女仔返去真係要小心。

１點啦，送左佢返去之後，又拿著好多野，又重又累，真係有點灰灰地，冇所謂啦...行行下想起ＭＴＲ咁咪去睇下仲有冇車羅，有喎，１：０７先開，去到官塘轉的士。重好過慢慢行返旺角坐ＶＡＮ仔！

比賽，１：１

今日足球比賽重賽，本來以為冇乜狀態，點知出乎意料，有超水準表現，可能練波時，多左時間到腳，所以好有狀態。

禱告會

今晚返左教會，但就冇參與禱告會，不過同我第一次參與的禱告會就好唔同，也許我會再返。

又COPY左投影機既搖控器，用ＰＤＡ來做搖控，成了
又同敬心講飛機，都幾好玩！

食飯、打機、Mcafe

今晚我同阿Leg、阿agnes、Zoe等５個人一齊食飯、打機、去Mcafe，在Mcafe我同阿agnes玩Ｄ唔食的旦糕...好得意呀！


佳燕超好笑，話 html 條Link係後備，係後備Link！

靚仔與２個救生員

今日教會去烏溪沙Day Camp，自由時間時去左游水，去到泳池 發現泳池比體院包場，所以要去另一面的泳池游水...有排行...

靚仔、阿浩、阿agnes、阿Leg、我一行５人去到泳池，靚仔未游水之前，已經同我單聲佢游水唔叻，但我輕看左呢件事，當佢游第２個堂時，佢遇溺了。當值救生員指著靚仔時，我底頭入水一看，出事了 佢唔到地，我同阿浩２個人第一時間飛出去救靚仔，總算平安只係飲左幾啖水，真係要感恩，感謝主！

p.s. 事後阿Leg話當值既救生員都講『唔駛我落水啦…佢啲fd都咁勁咁熟手』

烹野食

今晚去左阿Leg到，烹飯食，又烹Ｍ記蛋，好得意，又幾好食！

不過佢就比油整到隻手，唔知幾時好呢？

國度戰士2007

約書亞 + 年青牧師 Jason Ma + 腓力法都曼(一位印尼華橋,30之前已帶領3萬人歸主既牧師)

因為我對約書亞冇乜好感，所以其實成晚都投入唔到...唔緊要，咪當見識下囉！阿Leg 同SamSam 就好聖靈充滿，又有金粉...

送上山

呢生人第一次送上山，我地幾個為佢扶靈，家姐最後的一句，『再見了阿偉』，令眾人流淚...

吉儀中的一圓，最好當然去機舖打機啦。為我地放下一點的傷痛，正當心情還未好轉的同時，要打電話回公司請假，電話未講到一半，就聽大大聲的一句，唔得 一定要返來，心情就再跌落低谷...

安息禮拜

今日係阿偉安息禮拜，大家著得好整齊，Setup好Ｄ音響後，我走左去門口，唔係好想坐。程序表唔夠，我同阿均跑左去影印，印多左50份，最後都係唔夠用，約有250人。我冇去到詩班，我去左拍照，不過真係唔知影乜好，最後都影左Ｄ野返來...

運完Ｄ音響返教會後，我地返左黃大仙食野，我地４人講都很高興時，整到Jacky插唔到嘴...

Cannon to 豬嘴

今日叫左阿邦換Mixer，第二日仲比佢話我換得太急...

今晚全力開工，要整２條線，Cannon to 豬嘴，比教會套音響出街（阿偉喪禮）用，整到３點幾，之後在廳ＺＺＺ著左。

生日快樂...

今日係Ray 生日，我返左教會，但開始之前，我突然好唔開心，電腦又壞，音響又壞，整完我就好唔開心，過左陣，我去左整線，最後整左３條 Jack to Cannon 線（結他 to DiBox ），都重算有收穫。

玩完之後，阿Leg又發，今次佢好快就醒返，感謝主！

Mac上也有M$的遠端桌面程式

今日用呢個Remote Desktop Connection，真係好正，唔洗再用Bootcamp來轉來轉去，
真係幫左我好多！


===============================================================
不知道各位有沒有用過Windows的遠端桌面，其實在Mac上也有遠端桌面的程式，讓你可以連結遠端的Windows，進行主機的操作、資料取得或解決問題等等，相當方便喔！

這個遠端桌面的程式，是由Micro$oft出品的客戶端程式，完全免費，各位朋友可以前往微軟的網站去下載，網址在這 。這個軟體也有綁在Office 2004裡面，只要在安裝Office 2004的時候，選擇自定安裝，在附加軟體的項目內就有Remote Desktop Connection這個軟體可以勾選。

其實這個程式和你在Windows下面用的遠端桌 面是一樣的，如果你有用Windows架設一台主機的話，你就可以透過它連到那台主機上，進行操控，算是微軟出給Mac用的軟體中，唯一一樣功能完全都還 在的軟體(沒有被閹割)，各位朋友，如果你常常有要連遠端桌面需求的朋友，就不用切換到Windows下面去連囉，在Mac下就可以做到囉，快去試試吧～

成了，十幾個鐘的傑作

昨晚5:00先睡，但都未整好阿偉本書，今日番到公司用多２個鐘來整，終於完成左本書了，Send過比阿Agnes睇，之後再用左幾個鐘來排大版，比完人地Output之後，就放下心頭大石了，現在只有等人地印起......

InDesign

今日我第一次用InDesign來排版，感覺良好，用來排書一流，但有Ｄ野都係唔識，點係Master Page 加 Page No. ?最後 yahoo search救左我，http://www.layersmagazine.com/whos-the-master-now.html，但係今日用左半日的工作時間來整家書，19:00收工之後還整到05:00......最火的是，返到教會想抄相出來做家書，點知部電腦又開唔到機......好好玩呀！火......

讚美之泉 2007 敬拜讚美巡迴

今日去完讚美之泉後，好Ｃ服，大家都好投入，好有氣氛，好High，其中『最珍貴的角落』，令我又想起阿偉... 讚美之泉有個Blog http://www.wretch.cc/blog/sophot，都有唔少正野，最後我同阿Leg一人買左一套$250的雙CD連歌書 幾平呀！

『最珍貴的角落』

謝謝你燦爛笑容　照亮我的天空　
謝謝你分享心情　把我放在你心中
夜裡有時為寒冷　你我生根同暖土　
友情是最亮的星　我的生命從此美麗
當你被花朵包圍　盡情歡欣　我帶春風使你舞其中
當你正走在坎坷路　我會伴你在左右
一起向藍天歡呼　向白雲招手　
我們要一起笑　一起哭
千萬人中　有個人懂我　
你有最珍貴的角落

好朋友離開左，呢首歌最能表達現在的心情！

最佳損友(好友) - 陳奕迅

朋友　我當你一秒朋友　朋友　我當你一世朋友
奇怪　過去再不堪回首　懷念　時時其實還有
朋友　你試過將我營救　朋友　你試過把我批鬥
無法　再與你交心聯手　不竟難得有過最佳損友(好友)

從前共你　促膝把酒傾通宵都不夠　我有痛快過你有沒有
很多東西今生只可給你　保守至到永久　別人如何明白透
實實在在踏入過我宇宙　即使相處到　有個裂口
命運決定了　以後再沒法聚頭　但說過去　卻那樣厚

＊問我有沒有　確實也沒有　一直躲避的藉口　非甚麼大仇
　為何舊知己　在最後　變不到老友
　不知你是我敵友　已沒法望透　被推著走　跟著生活流
　來年陌生的　是昨日　最親的某某＊

生死之交當天不知罕有　到你變節了　至覺未夠
多想一天彼此都不追究　相邀再次喝酒　待葡萄成熟透
但是命運入面每個邂逅　一起走到了　某個路口
是敵與是友　各自也沒有自由　位置變了　各有隊友

REPEAT＊

早知解散後　各自有　際遇作導遊
奇就奇在接受了　各自有路走
卻沒人像你讓我　眼淚背著流
嚴重似情侶　講分手

有沒有　確實也沒有　一直躲避的藉口　非甚麼大仇
為何舊知己　在最後　變不到老友
不知你又有沒有　掛念這舊友　或者自己　早就想動頭
來年陌生的　是昨日　最親的某某
總好於那日我沒有　沒有　遇過某某

８月６日

阿偉已經返左天家了，大家都好傷心，最傷心的應該係阿妹，
今日有好多人都見到阿偉最後一面，


今日重溫左２段片

Blog加左個plugin

加左個 月曆 的plugin

開新Blog

今日用wordpress 加左個Blog 落我個 www.faiki.hk, 但係乜都唔識, 最後整到有中文睇啦…

手信

今日同SamSam食KFC，順便取佢長洲的手信。

某個星期日踢波 ～ 笑

某個星期日，球隊去三家村球場踢波，當時周生帶左個波出界，球正阿丁吹雞，判為界外球，之後眼見周生看似發脾氣的將波踼走．．．．．．當時我地個個都Ｏ左嘴．．．．．．

實情係，阿丁吹雞吹得細聲，咁啱周生果面耳仔有問題，聽唔到吹雞，所以出左呢個笑話。哈哈！